IPL:Umpire den asatepba atema Rohit Sharma dang senchi achi

Mumbai, April 25 (Agencies) : Tang tasayadak Indian Premier League (IPL) asayamung nung Hombar aonung, Wankhede Stadium nung Mumbai Indians aser Rising Pune Supergiant telok na asayadang Mumbai Indians Captain Rohit Sharma-i umpire decision ka aitsüba ajanga pa indang asaya ka indang fee tesadang (50%) senchi achi, ta IPL acha ayangba telok sangdong kanga ajanga metetdaktsü.
Iba tatalokbaji over tatembangbuba nung atalok. Iba asaya nung Mumbai-i runs asem agi Supergiant telok madak tamakok angu. Supergiant teloki runs 160 yanglua yutsü saka parnoki over 20 nung 157/8 ang yanglutet.
“Sharma-i IPL Code of Conduct for players and team officials kübok 2.1.5, Level 1 aibelen nangzük. Rohit-i Hombar aonung aibelenba zünga tan asayamung nung Level 1 kübok tanaben buba aibelener.
“Level 1 kübok aibelenertem asoshi match referee-i kechi obendang agütsüdir ibaji tatem asür,” ta sangdong nungji shia lir.
Mumbai Indians teloki iba asaya akoktsü asoshi ball 4 nungi runs 11 angutsü nüngdaka lia par telok asoshi runs timtiba yanglusang, Rohit-i Umpire S. Ravi tai aputsü merang. Pune nungi bowler Jaydev Unadkat-i slow ball ka off stamp nungi tera pilar aonba wide magütsüba atema Rohit-i umpire den tai putepa liasü.
Rohit Sharma-i iba ball ji wide ta bilemer mazük toktsü, ajisüaka umpire-i iba ball ji wide masü aser tatettsü mali ta ashiba ajanga Mumbai captain-i ashishitep.
Rohit-i pa yimya agi aser o agi Ravi dak tai tonglokja raraba ngua square-leg umpire A. Nand Kishore-i arua bendangtsü.
Iba ya matalokdang Kolkata Knight Riders den asayadanga pai umpire-i ashiba ka anema ashishitepa liasü. Ajisüaka idangjibo match referee-i pa temerenshi ang merenshir senchibo machi yutsü.