IPR Director-i Kiphire DPRO office semdang

Kiphire, Yimpoksüi/November 02 (TYO): Information and Public Relation Director, Limawati Ao-i November 2, 2018 nü District Public Relation office, Kiphire semdanga liasü, ta ketdangsertem osang ka ajanga metetdaktsü.
Iba mapang nung pai DPRO staff tem den shisa lemsatep, aser parnok dang mapa nendaka inyaktsü ayongzük.
Paisa, sorkari iba department ya nüburtem nem mapa agutsütsü atema tentetba masü, saka osangtsüsang proktsü aser nüburtem nem parnok aliba tesem nung atalokba osangtem metetdaktsüba ajanga nübur yaritsü atema tentet, ta ashi.
Director-i staff tem den jembiba dang masü saka office nem nüngdakba osettsüset agüja, itemji nübur atema tajungtiba agi anepalua amshitsü metetdaktsü.
Ajioda staff temia office nung staff agi meperiba timtem metetdakja liasü.
Director-i iba onükji mapa tetemsü nung reprangtsü, ta nangzükogo.
Paisa department indang quarters semdang aser ali kiburtem dena jembia liasü.
Director den APRO, Nongozo Rikha densema liasü.