IPR Director-i Peren semdang

Dimapur, Monupii/May 21 (TYO): Information and Public Relations, Director Limawati Ao-i May 21 nü Peren nung DPRO office building tasenba semdang aser Peren Office tejenba nung senden ka ayongzüka menogo.
Limawati-i, ketdangser aser staff tem mapa aser inyakyim rasaa ashiba den parnok dang nüburtem nungi akhümtsübu angutsü sa pei-i akokba tashi tajungtiba inyaktsü asoshi ayongzük.
DPRO Peren, Gaizam Moses aser tanga staff temi parnok mapa inyaksangshi nung tetsükdaktsü adokba tem indang lemsatepba liasü, ta Peren DPRO sangdong ka ajanga metetdaktsü.