IPR Director-i WW II mapang Kohima tongbang indang documentary sayatsü

Kohima, August 11 (TYO): August 14, 2017 nikongdang 1:00 ako nung Conference hall, Directorate of Information & Public Relations nung Nagaland IPR Director, Limawati Ao-i tang mezüngbuba Kohima nung World War II tongbang raraba indang documentary sayatsü; iba documentary ya Kohima Educational Society/ Kohima Educational Trust-i adokba lir, ta ketdangsertem osang ka nung metetdaktsü.
Iba documentary sayaba sülen Nagaland Cornerstone T.V (Dimapur aser Mokokchung) nung aser Central Cable, Kohima Local Cable nung August 14 aser 15 aonung 7:30 ako nungi sayutsü.
Iba sentong nung mendenji Highland Dawn Media Director, Wabang Moa asütsü aser Chairman, Dr. Phyobemo Ngully-i iba documentary indang okila jembitsü.
Sentong nungsa iba documentary-a sayutsü, ta kasa osang ajanga metetdaktsü.