IPR Director Limawati-i APRO Changtongya semdang

Dimapur, November 7 (TYO): Information & Public Relations Director, Limawati Ao-i November 4 nü Assistant Public Relations Officer office (APRO), Changtongya semdang.
Iba mapang Limawati Ao-i staff tem dang pei lemzükba mapa kanga nendaka aser bendanga agüja inyaktsü atema tayongzükba agütsü.
Taoba mapang APRO office, Changtongya nung inyakertemi tenüng tajung nguteta inyak, anungji iba office nung tang teinyakdak staff temi iba tenüng tajung mesamadaktsüi inyaktsüla, ta paisa ayongzük.
Iba mapang Director-i APRO nem Laptop ka agütsü aser technical staff temi timtem ajurubatem atema tekaratiba nung nüngdakbatem agütsütsü ta nangzük.
Limawati-isa LDA staff tem dang computer amshiyim angazüktsü ayongzük aser pei pei inyaktsü lemzükba tesemtem nung kati ka den yaritepa public tenzükba mapa inyaktsü shisem.
Iba sentong nung mendenji APRO, Changtongya, Meyisusu Jamir liasü aser paisa tarurtem pelaa agizük.