IPR Parl. Secy-i Kohima DPRO Office semdang

Dimapur, February 17 (TYO) : February 17, 2016 nü Information & Public Relations Parliamentary Secretary, Khekaho Assumi-i Kohima District Public Relations Officer (DPRO) Office semdang.
Parliamentary Secretary, Khekaho-i DPRO aser lar staff den sensaksem mapang agi aser idangji parnok taginübatem aser timtem ajurubatem metetdaktsü.
State yimtiba nung office ka asünung, DPRO office nung advance facilities ajak alitsüla ta Khekaho-i ashi aser pai P.A equipments o tanga nüngdaktem reprangshimtsü ta nangzük.
Paisa, staff ajak dang pei lemzükba mapa tajungtiba nung inyaktsü aser department ajungkettsü tayongzükba agüja liasü.
DPRO Kohima, Ruopfulenuo Mepfhu-o-i Parliamentary Secretary dang Kohima district kübok staff indang osang den state sorkari DPRO Office den Election Department tsüngda mapa tenzüktsüba maparen indang metetdaktsü.