IPR Parliamentary Secretary-i DDK aser AIR ketdangsertem den senden agi

Dimapur, August 3 (TYO) : Hombarnü IPR Parliamentary Secretary, K. Khekaho Assumi-i DDK aser AIR ketdangsertem den ajurutepa senden ka agi aser iba mapang pai public broadcasting service indang onük lemsatep.
Pa iba mapa nung tasen aser iba jagi pai mapa inyakyim aser State IPR, DDK o AIR nungertem tesentaktep metetnür ta Assumi-i tanü senden nung ashi.
Paisa centrally sponsored project aser scheme indang osangtsüsang metetpelatsü aser ano yimtsüng tia nung alirtem dang sorkari inyakba mapatem indang Radio aser Television ajanga sangdongtsüla, ta ashi.
DDK aser AIR nüngdakbatem pa dang shiang aser state ajangzüktsü atema süra pai ministry dangi abentsü, ya Khekaho-i shisem.
Iba senden nung Community Radio Centres aser Kohima nung FM station tenzüktsü atema mapa inyaktsütem benoka lemsatep.
Ketdangsertemi Parliamentary Secretary dang Mon aser Tuensang nung Community Radio Center lapoka aliba aser ano Wokha, Zunheboto o Phek nung teyangludak aliba osangtem metetdaktsü.
DDK aser AIR nati department ajak den tesentaktep ayutsüla aser talisa IPR department den tesentaktep tajung alitsüla, ta Khekaho Assumi-isa ayongzük.