IPR Parliamentary Secretary-i Tuensang semdang

Dimapur, May 31 (TYO) : Information & Public Relations Parliamentary Secretary, Khekaho-i Tuensang semdang aser May 26 nungi tenzüka district nung aliba IPR office tem sema senzü.
Mezüng anogo nung Khekaho-i DPRO establishment Tuensang district HQ nung senden ka amen aser iba mapang pai staff den department indang khuret aser inyakyimtem atema sensaksemba mapang ka liasü.
Paisa, Nagaland nung alirtemi IPR indang tali jangjaa metettsü atema staff temi merang inyaktsü ayongzük.
IPR department nung osettsüset peria maliba indang onük jembidang Khekaho-i ashiba agi, tan mezüngbuba atema IPR-i osettem ali aser May ita tetenzüklen lema agütsü.
Sorkari sen talila lemzükja lir aser metokmeperibatem tanabuba shilem nung alitsü, ta paisa metetdaktsü.
Tuensang District HQ nung senden amenba sülen Khekaho-i Noklak Sub division aser Information Centre Longkhim semdangi ao.

You must be logged in to post a comment Login