IPTL 2016: Indian Aces teloki Singapore Slammers akok

Hyderabad, December 10 (Agencies): Indian Aces teloki points 24-19 agi Singapore Slammers telok madak takok ngua, India kübok Hyderabad nung asayaba Indian Premier Tennis League (IPTL) tennis asayamong nung yashi, Hokolbar nü shilem agiogo.
Aces tongti asayar, Rohan Bopanna o Sania Mirza nati points 6-5 agi Marcos Baghdatis o Kiki Bertens na tsükdakja, mixed doubles asaya nung kanga junga shilem agiba ajanga par Aces teloki takok angu.
Yashi asaya tetenzükba nung Ivan Dodig o Feliciano Lopez nati points 6-2 agi Baghdatis o Marcelo Melon na tebur doubles asaya nung koka, par Aces telok temaba jenjang nung ajungkettsü.
Feliciano-i maneni points 6-0 agi Nick Kyrgios tebur singles asaya nung tsükdakja, par Aces jenjang tajungba kümdaktsü.
Bertens-ia points 6-2 agi Kirsten Flipkens tetsür singles asaya nung tsükdakja, par Singapore telok jenjang tajungba kümdakja asayaba sülen külem asayar, Carlos Moya-i points 6-4 agi Thomas Enqvist madak tebur legends singles asaya akokba ajanga par telok anaprongla points 2-2 kümdakja, kasa jenjang ngudaktsü.
Ajisüaka, Bopanna o Sania nati tatembangba asaya akokba yong par Aces teloki yashi asayaji kokadok.