IPTL: Singapore Slammers-i Japan Warriors akok

New Delhi, December 12 (Agencies): Singapore Slammers teloki points 24-21 ngua Japan Warriors telok madak takok ngua tang tasayadak International Premier Tennis League (IPTL) asayamong nung tanü Honibar nü shilem agiogo.
India nunger Leander Paes densemba Warriors teloki tan asayamong nung tan agi 6 ben tashi tamakok angur lir.
Par teloki India nung IPTL asaya tenzüknü UAE Royals telok madak takok ngua tan asayamong nung ken dang takok ngua lir.
Tanü asaya nung Thomas Enqvist-i points 6-2 agi Carlos Moya madak takok ngua par Warriors telok temaba jenjang nung ajungkettsü.
Ajisüaka, Slammers asayar, Kristina Pliskova o Dustin Brown nati points 6-4 ngua Kirsten Flipkens o Paes na tsükdakja par telok anaprongla kasa jenjang kümdaktsü.
Paes-i tesülen Philipp Kohlschreiber den külemi lungjemer Marcelo Melo o Nick Kyrgios na madak points 6-4 agi takok ngua par Warriors telok maneni temaba jenjang nung ajungkettsü.
Ajisüaka, Belinda Bencic-i points 6-1 agi Flipkens tsükdaktsüba yong par Slammers teloki points 18-17 ngua temaba jenjang angu.
Tatem nung Kyrgios-i Kohlschreiber madak takok ngua asayaba yong par Slammers teloki tanü asayaji kokadok.