Iran aser Pak. na CPEC nung amalitepa inyaktsü jembir

Islamabad, October 9 (Agencies) : Iran Tir Rouahni aser Pakistan Ato Kilonser Nawaz Sharif na New York nung ajurutepa senden amendang Iran-i China-Pakistan Economic Corridor (CPEC) nung shilem agitsü mulungtetli, Iran nungi Pakistan den tongtepratepa inyaksangi Tehran-a CPEC nung shilem agitettsüsa lenmang patettsüdar.
Iran nungi Pakistan Ambassador, Mehdi Honardoost aser CPEC Projects Director Zahir Shah na senden ka amendang tenati CPEC nung Iran-i koba inyakyim nungsa shilem agitettsü aser Pakistan o China na lokteper tan mezüngsüa rongsenkettsüng project tulutiba inyakyimtem jembia liasü. Pakistan-i iba project nung Iran-a adentsü teti shia liasü, ta IRNA-i ashi.
“Iran nung nija company temi technical, engineering, energy projects, road & construction aser energy transmission lines yangluba mapatem dena mapa tapu balala inyaktettsüsa tashi lir…..aser CPEC nung shilem agitettsüsa renema lir,” ta Honardoost-i ashi.
Honardoost-i, Iran ket nung Pakistan-i nüngdakba natural gas aser electricity dena agütsütettsü aser ibaji China-Pakistan Economic Corridor atema Islamabad-i kanga nüngdakbatem lir, ta ashi.
Iba senden nung Zahir Shah-i, Iran-i item project tem nung shilem agitsü kanga mulungsoa agizükba atema pelaba ashi aser inyakyim balala nung Tehran o Islamabad na amalitepa inyaktsü kanga nüngdak, ta ashi.
“China-Pakistan Economic Corridor ya Iran dena inyaktsü,” ta Zahir Shah-i ashi.