Iran-i ‘long-range missile’ takok ngua tendangogo

Tehran, October 11 (agencies): Iran-i Deobar nü long-range missile ka kanga takok ngua tendangogo, ta state Defence Minister Hossein Dehqan-i metetdaktsü.
Iba long-range missile ya Iran nunger mongintemi yaluba lir aser missile tenüng “Emad” jatsüogo. Iba ya Iran meyong long-range missile mezüngbuba lir. “Emad” ya kanga junga anishia amaktsü tesem shitak nung oa kahshitsüsa yanglua lir,” ta Dehghan-i ashi.
Iba missile yagi amaktsü aliba tesem kanga mejungi akoksatsütsü, ta Hossein Dehqan-isa ashi, saka iba dak alia technical tsütsü telungi ia rasaa mashi, ta Xinhua news agency ajanga ashi.
“Iran-i tangar den raratsü oset yangluba aser missile yanglutsü asoshi shinga danga temelaba meshitsü tenüngdaktsü mali, ta pai shisem.
Middle East nung missile amshiyim nung ano shingaia Iran memenepi lir.