Iran-i Sahand destroyer amenokogo

Dubai, Luchii/December 1 (Agencies): United States den mangatettep adoka aliba mapang ka nung Iran navy-i Küptoknü par linük nung yangluba destroyer ka amenokogo, kong radar-evading stealth properties keta lir, ta state media-i sangdongogo.
Iba rong amenokba sentong koba state television nung sayua liasü iba nung Sahand destroyer ya Gulf nung Bandar Abbas base nung Iran navy den densemba sayuogo.
Sahand rong nung helicopters anentsü atema deck ka lir, launchers, anti-aircraft aser anti-ship guns, surface-to-surface aser surface-to-air missiles aser electronic warfare capabilities keta lir, ta state television ajanga metetdaktsü.
“Iba ya Iranian Navy shisatsü agia yangluba rong ka lir aser stealth capabilities keta yagluogo,” ta destroyer yangluba navy shipyards tekolakba Admiral Alireza Sheikhi-i state news agency IRNA dang ashi.
Iran-i par linük nung yangluba mezüngbuba destroyer 2010 küm amenok aser iba ya Iran navy ajungkettsü nükjidong nung inyak.
International sanctions balala agütsüba ajanga hadir aika belener arutsü nungi parnok nokdang aser iba ajanga Iran-i domestic arms industry tulu ka lapokogo.
Kasa mapang nung naval commander kati ashiba agi, Venezuela-i maparen ka asoshi yoktsü aliba raradang amshiba rongtem rongnung Sahand-a densema yoktsü akok.
Iran navy commander tem den senden amenba mapang taoba hopta Ayatollah Ali Khamenei-i ashiba agi, tsükchirtem nokdangtsü asoshi Iran indang military capability ajungkettsüla.
Küm tem tsüngda Iran navy-i Indian Ocean aser Gulf of Aden nung Somali pirates tem nungi Iran nunger rongtem kümzüka ayutsü asoshi rara dang amshiba rong amenokogo.