Iran nung ballistic missile yanglutsü tenzükogo

Tehran, September 25 (Agencies) : Deobarnü Iran Defence Ministry-i, linük nungi adokba “Zolfaqar” ballistic missile yangluba tenzüktsüogo,” ta osang ajanga metetdaktsü.
Raradang amshiba electronic osettem nung timtem adoktsü aliba nungi kümzükba, iba missile ya March 2017 küm nungi amshi tenzüktsü, ta Xinhua news agency osang ajanga metetdaktsü.
“Zolfaqar” ya solid fuel ajanga amshir aser kilometre 750 pilar aliba oset dak indang indanga oa kahshir.
Bodhbarnü Bandar Abbas nung military parade sentong akaba mapang Iran Islamic Revolution Guards Corps-i “Zolfaqar” inyakyim kanga junga angatettsüsa amshia sayuogo.
Missile sentongtem tali renloka inyakba ajanga linük tashi aitba sayutettsüsa maneni iba inyakyim aotsü Iran nunger ketdangsertemi mulungtepogo.