Iran onük magizüker: Jubeir

Jeddah, May 30 (Agencies): Saudi Arabia-i Iran linük aitsüba olen ka Saudi Foreign Minister, Adel al-Jubeir-i metetdaktsüogo.
Islam tamangba yimsü benshirtemi kümshi Saudi nung agiba Hajj sentong nung shilem agitsü asoshi Iran-i par temeshi aini aoer meyoktsü lemtetba den külemi, Hajj mapang longkak aittsü sentong ayonga agitsü temetem agütsütsü asoshi takhangba onük benoka lir.
Ajisüaka, Tehran-i benokba takhangbaji khen yongji magizüktettba takhangba ka lir ta shia, Jubeir-i Iran aitsü.
Yaküm, 2015 küm agiba Hajj sentong nung shilem agir Iran nunger temeshi aini aoer nisung noklang aika asüba sülen Iran-i taküm agiba Hajj sentongi par temeshi aini aoertem meyoktsü lemteter lir.