Iran tir Rouhani-i tenangzükba agi

Tehran, August 5 (Agencies): Iran nung tanaben shimba tir Hassan Rouhani-i parliament session ka nung tenangzükba agiogo.
Arishi küm 68 tain Rouhani-i May 19 nü election nung takok angu aser kümsük tanabuba atema tir inyaktsü.
Alima den külemi liromedema alitsü aser tesentaktep tajungba akümtsü atema mpa inyaktsü, ta Rouhani-i metetdaktsü.
Rouhani ya 2013 küm mezüng Tir inyaktsü shim aser iba mapang pai vote noklang nung shilem 51 tema angu.
Tehran nung Rouhani-i tenangzükba agiba sentong nung linük aser international organization balala nungi lennir 130 dak tema aden, ta Iran state TV ajanga metetdaktsü.
Parnok rongnung EU indang foreign policy tekolak Federica Mogherini dena liasü. Pai Iran indang nuclear tenangzüktep ketdangsüa repranger.
Iran putiotsü nung bendanger teimba Tir tenangzükba agiba sentong nung adenbaji tang mezüngbuba liasü.