Iran yimli anema nokdaktsü asoshi asameyanger

Washington, Monupii 18 (Agencies) : Tehran yimli aser par inyakyim tamajung anema nokdaktsü asoshi alima ajungalen nungi telongjem “coalition” ka Washington-i tenzükner, ta state department-i ayongzüka metetdaktsüogo.
US den külem ser aliba kintem jashidakja parnoki ‘Iran nuclear accord’ nungi atsüngzükba sülen tang iba osang parnoki sangdonger.
Rongchii/April ita nung mapa agizükba sülen United States diplomat, Secretary of State, Mike Pompeo-i tan mezüngbuba ‘foreign policy’ inyakyim tulu ka nung iba sentongji taruba Tentonü metetdaktsütsü.
“Iba telongjem ka tentettsü atemaji US-i kanga meranga inyaktsü,” ta osangbenertem den jembidang state department nungi otongdar, Heather Nauert-imetetdaktsü.