Iran:Arrtsü anüker tepsetba atema Pakistan diplomat jaok

Islamabad, April 28 (Agencies) : Taoba hopta Pakistan aser Iran arrtsülen amakba mapang Iran nunger arrtsü anüker nisung 10 tashi tepsetba atema Hokolbarnü Iran Foreign Ministry-i Iran atema Pakistan diplomat yoka alisang jaok, ta osangkaket ka nung shia lir.
“Tia makai Pakistan tsütsü aliba Iran arrtsü tesemtem nung security kanga junga mali aser Islamabad-i tamalen onok dang nangzükba ama iba ama amakba anendaktsütsü onoki imlar,” ta Iran Foreign Ministry atema otongdar Bahram Qasi-i Ambassador Asif Ali Khan Durrani dang ashiba osangkaket nung shia lir.
Iran kübok Sistan aser Baluchestan province nung telungpuri amakdang tajemba agi nisung 10 asü.
Tarutsü nung iba ama lendong mataloktsü mechi nung Iran-i Pakistan dang security akangshitsü shiogo, ta kasa osangkaket nungji lir.
“Iba ama kiralongrar mapa inyaka nisung tepsetertem pua merenshitsü asoshi Pakistan sorkari tashi ita inyaktsü onoki imlar,” ta otongdari ashi.