Irani NEHU convocation nung adentsü

Shillong, March 23 (Agencies): March 29, 2016 nü Shillong (Meghalaya) nung Union Human Resources Development (HRD) Minister, Smriti Irani 23buba NEHU Convocation nung adentsü.
Tanü NEHU sangdong ka ajanga, iba sentong nung Minister Smriti Irani tongti tesemdanger asütsü aser Convocation Hall, NEHU, Permanent campus nung lai jembitsü, ta metetdaktsü.
Iba anogo nung kaketshir 10291-i (kaketshir 2,567 adentsü,  kaketshir 7724 malitsü) degree angutsü. Kasa sentong nung Educator aser Reformist, Rose Millian Bathew (Kharbuli) aser Olympic bronze medal angur, M.C. Mary Kom na nem Honorary Degree agütsütsü.