Iraq anüdoklen 16 pokset, 54 shi yiru

Baghdad, May 10 (Agencies): Iraq anüdoklen, Baquba yimti nung car gari nung alenokba bomb tesashi ka pokdakja yashi, Hombar nü lendong atalokdaktsüba osang ka police-i tanü, Mongolbar nü metetdaktsüogo.
“Yashi atalokba lendong nung ishiba agi nisung 16 poksetba aser nisung 54 shi yiruba osang tang tashi nung jangjaogo,” ta parnoki ashi.
“Ozü züngsem kati car gari nung alenokba bomb pokdakja Shiite Muslim nisung jenti tepsetogo,” ta Iraq aser Syria na nung lendong kanga sashia atalokdaktsüba kiralongrar telok, Islamic State (IS)-i yashi lendong atalokdaktsüba atema tenüng agia metetdaktsüogo.
Tan lendong atalokdaktsüdak, Diyala province nung tesep tentetba IS kiralongrar ajunga makdokba osang ka Iraq lenirtemi küm 1 tejaklen metetdakja lir saka IS teloki tangasa Diyala province nung tan amala lendong mapang shia atalokdaktsüba osang bushiteta lir.