Iraq atema raratemi Tasüngtet Mary nem akhümtsübu agütsü

March 09, 2017 : Mosul nung taoksatsü video ka nung Iraq atema raratemi Tasüngtet Mary indang süngyanglu teraksa ka ajungketa amer sarasademba tangoka lir.
“This Is Christian Iraq” ta sür telok kati Facebook nung inoktsüba video nungji ISIS telungpurtemi raksatsüba kechisarena dena lir.
Item kiralongrartemi amanglema aliba tesem ajak nung parnoki mapang aben nüngo osettem, tamangba osettem aser amangba purtem indang Tenla kitem raksatsür.
Iraq atema raratemi Tasüngtet Mary indang süngyanglu ka meyirjang aika küma anüksaa raksatsür aliba ka angu. Parnoki raksar aliba süngyangluji ajungketa parnoki akokba tashi bendena amenteper külen sarasademtsü tenzük.
ISIS telok aridoktsü meranger, item Iraq atema raratem yagi anogo shia ISIS puri mapa tamajung inyakba agur aser ajangshir.
Item telungpur yagi pei linük nung aliba nüngo osettem raksatsüba dang masü saka pei nübur taküma aikasa lalutsüogo aser akoksaja arudar.