Iraq Ato Kilonseri IS nem warning agütsü

Baghdad, November 06 (Agenceis) : Iraq Ato Kilonser, Haider al-Abadi-i Mosul yimti nung aliba Islamic State (IS) telungpur dang taküm linera prongpong tokjang, ta ashiba Deobarnü sorkar osangbenertemi metetdaktsü.
Iba yimti semdangdang Haider al-Abadi-i, sorkari aniba sepaitem matsüngintsü aser mejasatsü,” ta ashiba BBC osang ajanga metetdaktsü.
Pai Mosul nunger memunui iba talenba nungi salatsütsü, ta ashi.
Iba yimti ya küm ana dak tema IS telungpur kübok lia arur.
“Ni IS telok dang shinübaji, parnok taküm kümzüka linera parnoki prangpong toktsütsüla,” ta Ato kilonseri ashi.
Iba yimti nung October 17, 2016 nü telungpur anema rara metenzükdang yangji IS pur 3000 nungi 5000 shi liasü. Iba tesem nung netsüng yongsük million 1.5 lir.