Iraq Tenla Ki ka Islamic State telungpur indang tesepti kümogo

Baghdad, January 24 (Agencies) : Islamic State (IS) telungpuri Iraq anüdoklentip tsütsü Tel Kaif jila nung Tenla Ki tulutiba parnok sepaitem atema tesepti ka ama amshidar.
IS telok nung tanur züngsemtem (Cubs of the Caliphate) Sacred Heart Tenla Ki nung training agidaktsüdar. IS-i iba Tenla Ki tenüng ‘Abu-Talha Al-Ansari’ ta melena jaogo, ta Rudaw osang ajanga metetdaktsü.
Mosul nung rara aser lendong nungi jenbutsü atema tanurtem iba Tenla Ki dang anir arua jenokdaktsür aser Tenla kidangbo tayimtsü nungi tapoktsü mepokloktsür ta IS teloki metetba ajanga parnoki iba Temeshi Ki ya parnok tesepti asütsü asoshi shimtet.
“Parnoki tanurtemji mosque-i anir oa parnok sasa IS telok nung adener ta nangzükdaktsür. Iba tenangzükba agir külen rarai meyok tsüngda item tanurtemji Tenla Ki jagi anir arua training agidaktsür,” ta Tel Kaif nung aliba nüburtemi ashi.
“Parnoki training agütsürtemji tila tanurtem dang lir,” ta parnokisa ashi.