Iraq:Hotel mi lendong nung Iran nunger temshi aieni aoer 5 asü

Tehran January 08 (Agencies) : Iraq kübok Karbala yimti nung aliba hotel ka nung mi adokba mapang tajemba agi Iran nungi temeshi aieni arurtem parnok nisung pungu (5) asü, ta Deobarnü Iran ketdangsertemi ashi.
Qasr al-Mola hotel mi lendong nung asür parnok pungu prongji Iran Khorasan Razavi province nungi lir aser Shia Muslim temeshi yimti-i temeshi aiener ama arutem rongnung dena liasü, ta osangbenertemi metetdaktsü.
Iba hotel nung Iran nunger temeshi aieni arurtem parnok ajak agi nisung 108 anenzüka liasü, ajisüaka Deobar nikongdang mi adokba mapang parnok timba ka hotel nung maliasü, ta ketdangser tejen kati ashi.
Pai, Iran nungi Iraq-i tang temeshi aieni arua alirtemji ozüng kübok maliba travel agency ajanga arurtem lir aser parnok kecha kümzüka maliba hotel ka nung anenzük, ta shisem.