Iraq:Mosul tanaben meyipa agitsü asoshi inyakyim tasen tenzükogo

Baghdad, May 04 (Agencies) : Iraqi security force temi rara agi teraksa jenti adokdaktsür aliba Mosul yimti tanaben meyipa agitsü asoshi Islamic State (IS) anema mita aoba inyakyim tasen ka lapokogo, ta Brihostibarnü osangbenertemi metetdaktsü.
Army 9th Division aser police nungi Rapid Response Force na lokteper tang Musharifa, Kanisa aser Haramat district temi anüdoklentip tsütsü nungi idar, ta osang ajanga ashi.
Parnoki anüolentip tsütsü nungi aitba sepaitem den lokteper iba yimti tonga aitsü.
Deobarnü Army Chief of Staff Lt Gen Othman al-Ghanmi-i, telungpurtemi sashia nokdangaka hopta asem tsüngda nung anüolen tsütsü rara ka tembangtsü, ta metetdaktsü.
Iraq nung Islamic State telungpuri amanglemer aliba yimtiji joko Mosul ya dang lir aser iba tesem ya October ita nung sepaitemi kanga sashia khen makogo.
January ita nunga ano US-i aniba teloki anüng nungi amakba tayimtsütem aser military shisalen tuyurtemi nungita Mosul anüdoklen tesem tesadang ka agia ao aser February ita nung anüolen agi.
Mosul tanaben meyipba agitsü asoshi tenzükba sülen civilian 580,000 talidak makai prokshiogo aser parnok rongnung nisung 419,000 bo Mosul anüolen alirtem liasü, ta Iraq ketdangsertemi ashi.