IRB-i southeast Asia nung tunnel talangtiba yanglutsü

Mumbai, January 04 (Agencies): Zozi La, Jammu & Kashmir nung IRB Infrastructure Developers Ltd.-i southeast Asia nung tenem chipoka yangluba gari lenmang talangtiba yanglutsü aser ibaji kilometre 14.08 talang alitsü, ta ketdangsertemi Hombarnü sangdong ka ajanga metetdaktsü.
Iba lenmang yanglutsü asoshi sen crore 10,050 nüngdaktsü aser sen entokba sasep nung asadangra, design, build, finance, operate & transfer (DBFOT) dak ajemdaker iba mapa ya linük nung national highway project rongnung tulutiba asütsü koba küm tenet tsüngda nung renemtsü sentong lir.
Iba project yagi NH-1 (Srinagar-Sonmarg-Gumri Road) aser tsüngküm nung mejajatetba Leh-Ladakh tesem dena amshitsü.
IRB Infrastructure nung medenbuba aser managing director Virendra Mhaiskar-i, iba ‘national importance’ project ajanga tsüngküm nung gari mejajateti aliba Jammu & Kashmir aser Leh-Ladakh tesem na tsüngda mongpu ajak nung gari jajatsü maongka lapoktsütsü.
“Iba project nung tunnel ji kilometre 14.08, approach road kilometre 10.80, vertical ventilation shafts asem, snow gallery metres 700 aser avalance nungi kümzüktsü dena lir,” ta Mhaiskar-i ashi.
Iba project ya küm tenet nung renemtsü imlar, ta pai ashi.
Iba project temer külen Ministry of highways-i company nem sen crore 981 mezüng aagütsütsü. Iba sülen ministry ajanga küm shia sen anabenben enokja sen ajak aomatsü.
Iba project ya dena IRB-i linük nung state toku buba nung iba ama mapa tulu inyaker asütsü aser parnok ya sen crore 16,430 alang company kümogo. Parnok ket nung tang lenmang yangluba BOT project 20 lir aser item rongnung project 14 bo teinyakdak lir.

You must be logged in to post a comment Login