IRCS-i Prodigals’ Home semdang

Dimapur, August 16 (TYO): Dimapur Deputy Commissioner-i mepishiba ama Indian Red Cross Society, Dimapur nung Executive züngsemtemi Brihostibarnü 73buba Independene Day anogomong nung Prodigal’s Home semdanga iba Home nung alir 30 nem jang, dal, alo aser senotsü tenla agütsüogo, ta IRCS Dimapur Branch Vice-Chairman, Ajay Sethi-i sangdong ka nung metetdaktsü.
Sentong tatsüka agidang IRCS Dimapur Chairman Chandu Agarwal, VC Ajay Sethi, Honorary Secretary Kamla Kant Paul, Executive Member Ajit Sethi aser CCI Prodigal’s Home, Botoli Chiso nungeri o jembia liasü.
Parnok ajaki iba Home nung alirtem dang sorkar aser lokti tentettem nungi teyari ajanga tajungba alitsü, junga angazüktsü, tekümtet atema junga külemtsü aser nija terenlok alitsü atema ayongzük.
Red Cross züngsemtemisa Prodigal’s Home ketdangsertemi iba home nung alirtem nem services tajung agütsüba atema pelaba lemsatepa liasü.