IRCS-i World Red Cross Day amungtsü

Kohima, May 05 (TYO): Nagaland State Branch, Indian Red Cross Society-i May 08, 2017 anüngdang 11:00 ako nung Conference Hall, Red Cross Complex, Kohima nung World Red Cross Day sentong ayonger, aser iba sentong nung tongti tesemdangerji, Director General of Police, Nagaland, L.L. Doungel, IPS asütsü.
IRCS, Nagaland State Branch Chairperson, Abeni TCK leniba nung iba sentong agitsü aser sentong nungsa Gen.l Secy., IRCSN, Dr. Kepelhushie Terhiija-ia jembitsü.
Minister’s Hill Baptist Higher Secondary School aser Rev. Dr. Neiliezhii Usou Memorial School, Kohima kaketshirtem aser Little Flower Higher Sec. School Kohima kaketshirtemi “To believe” aser “Heal the world” ajanga shilem agitsü.
M.C IRCSN züngsem, Dr. Neiphi Kire-i tepela anküp o jembia iba sentong tembangtsü.