Irom Sharmila-i PM Modi ajuruner

New Delhi, October 02 (Agencies): Meimchir temeten atema inyaker, Iron Sharmila-i Delhi Chief Minister, Arvind Kejriwal ajuruba sülena maneni lai Ato kilonser, Narendra Modi ajurua pa dang nungi shisatsü aginer.
September 26, 2016 nü lai AAP tongti Delhi Chief Minister, Kejriwal ajurua lar state, Manipur nung tongtibang yimtenren party tem tamakok ngudaktsütsü atema sayutsüngi o tajung meshia liasü.
Osangbenertem den jembidang lai, “Sayutsüngi o tajungji teti imlaa alitsüla. Nisung kaji tsükchir mesüra tembar-a süang, pa dak shisa tajung lira aser lemsateptsü mulunga lira, ni sayutsüngi oji agitsü,” ta ashi.
General election nung Modi-i vote aika ajanga takok angu, anungji nai pa ajurua pa dang nungi sayutsüngi o tajung meshitsü asü, ta la dang asüngdanga liasü.
Hokolbarnü Sharmila-i East Forum for International Solidarity (NEFIS)-i ayongzükba sentong ka nung Delhi University kaketshirtem den jembia liasü.
Taoba mapang nunga Sharmila-ia Modi ajurua pa dang Armed Forces (Special Powers) Act (AFSPA) agientsü mepishinüa liasü.
“Ibaji takoktsü, ni pa ajurutsü kechiyong ni akhangba ataloktsütsüsa pa dak tashi lir,” ta lai jembia liasü.
Hokolbarnü arishi küm 44 Sharmila-i DU kaketshirtem dang, “Lokti nem tai tongloktsüba anenang, saka loktii aginüba temelenshi bener arutsürji na süang,” ta ayongzüka liasü.
“Lanurtemji lokti atema tashi lir aser telongjem o ajungshimesoba temaitsü lir. Nenoki longkak aiter aser lokti nem tai tonglokja dang alir. Ajisüaka nai lokti nung aginüba temelenshi bener arutsü atema yaritsü mesüra longjemdaktsütsüji nü teinyaktsü,” ta ashi.
Taküm August 9 nü lai AFSPA atema lumiba anen aser party tasen ka tenteta iba atema raratsü, kechiyong lai Manipur chief minister kümer item takangba agütsüner, ta sangdonga liasü.

You must be logged in to post a comment Login