Irom Sharmila’er party-i AFSPA agientsü nangzük

Imphal, February 23 (Agencies): Irom Sharmila’er party, People’s Resurgence & Justice Alliance (PRAJA)-i Brihostibarnü taruba election nung par telok Manifesto sangdongogo. Parnoki Manipur nungi AFSPA agientsü aser Inner Line Permit inyakyim melenshitsü nangzük.
Sharmila-i 1958 Armed Forces (Special Powers) Act, anema nokdaktsü asoshi PRAJA yaküm tentet.
AFSPA agientsü asoshi khanga Sharmila-i küm 16 lumiba yaküm tembanga yimten yimsüsübaren nung adentsü asoshi molungtet. Chief Minister küma iba act agientsü nükjidong nung la yimsüsübaren nung aden.
“Ni kü takhangba ano medoktsü, saka inyakyim dang melenshi,” ta lai ashi.
Manifesto nung AFSPA agientsü, Inner Line Permit inyakyim melenshitsü, tetsürtem asoshi shilem 33 wazüka yutsütsü, sen ochishia amshitsü, kaket shisatsü bushibaren nung tali temolung agüja ajungkettsütsü aser security forces camp tem school aser ki nung kilometer 10 bosa piladaktsütsü asoshi nangzük.