Irrfan Khan-i film nung ken tener

Mumbai, July 08, 2016 : Tang pai shilem agia aliba “Madaari” film sayatsü ata alisang, actor Irrfan Khan-i, tarutsü kümtem  nungbo nia film atema ken tener, ta ashi.
TV sentong “Sa Re Ga Ma Pa” nung pai “Madaari” film ajungkettsü atema dena liasü aser iba mapang iba sentong nung ken toktepertem ngua pai ken atentsü jangraba lemsatep.
‘Sa Re Ga Ma Pa’ nung kentenertemji tesüngmangtsüka tesa aser parnok dak sempet tajung keta lir. Parnoki shilem agiba ngua nia ken atentsü kanga jangradaktsüogo. Anungji tarutsü mapang nung nia film atema ken atentsübasa,” ta Irrfan-i sangdnong ka ajanga ashi.
Jay Bhanushali-i ketdang asüba, Eid benjung atema atakteta agiba sentong nung pa dena liasü aser iba sentong ya Honibarnü Zee TV nung yoktsü.
Irrfan ya ano Tom Hanks den külemi ‘Inferno’ film nunga shilem agia lir aser iba film memunui sayatsü.
Pai, ioba ama sempet tulu aketertemi shilem agiba sentong nung nhia densemba ya ni asoshi maongka ulura lir, ta ashi.
“Ni iba sentong nung shilem ajanga kanga jangratema reprangogo. Parnok ya sempet tulu aketba nisungtem lir,” ta paisa ashi.