Irrfan Khan ya alima nung tebu tajungtiba lir:Kinungtsü

April 25, 2016 : Film nung jilu ajak itetsang aser menürem agi kanga azüsang actor Irrfan Khan ya jabaso ana— Ayaan aser Babil na atema alima nung aliba tebutem ajak dang nungi tajungtiba lir, ta pa kinungtsü aser screen writer Sutapa Sikdar-i ashi.

Pa dak asaya menu yimya aliba dena kinungtsüi lemsatepogo.

IANS osangbenertemi, Irrfan ya film nung ama teti langka tongtibang ka bilemer ama dang alir asü ta asüngdangdang Sutapa-i, “Yamaji Masü. Pai kanga asaya menür aser ozü jabasotem kanga meima anepalur. Pa alima nung tebu tajungtiba lir ta ni shiteter. Iba den külemi pai jabasotemi bilemba aser aginüba tem kanga junga angateter,” ta langzü.

“Pa tanurtem nüngdakba ajak angateter…oda tanur den tebu aikati football khen khen asayaba ama masü saka pai parnok shisatsü aser temulungjang angateta lir aser parnok den koma jembishinütsü pai kanga junga meteta lir,” ta Sutapa-i ashi.

“Pa ya tesüngmangtsü tsürabur tajungka lir,” ta lai shisem.

Irrfan aser Sutapa na ya school külemi azüng aser tena kibong kümer joko küm 20 dak tema aoer.

Kibong ka takok ngua anir aotsü atema asenoki khuret lemsatepa kati ka angatettepa alitsü nüngdaker, ta lai ashi.

Kibong takok angutsü atema kibong shia-i sentong balala yanglur. Künati kibong takok angutsü atema sentong kecha balaka yanglua mali, ajisüaka kati ka den khuret aser tangar dang meshitetba temulungjang nung bilemba lemsateper,” ta laisa ashi.

“Kinungtsü kinungbo otsü khen amadoker nisung shiai pei sasa melenshia jenjang shitak nung ajemoka ora tesentaktep memeteti tali tashi taitba akümtsü,” ta Sutapa-i ashi.

‘Maqbool’ film nung shilem agisang Irrfan-i ‘Slumdog Millionaire’, ‘Life of Pi’ aser ‘Jurassic World’ film tem nung kanga takok ngua shilem agiba ajanga pa kanga nüngtugu aküm.

Pa ano taruba mapang nung Hollywood actor Tom Hanks den ‘Inferno’ film nung shilem agitsü sentong lir.