IS anema raratsü asoshi Saudi mitkartem Syria-i yoktsü: Gen. Ahmed

Brussels, February 05 (Agencies): Syria nung tesep tentetba Islamic State (IS) kiralongrar telok den raradaktsütsü asoshi Saudi Arabia-i par mitkar züngsemtem Syria-i tsüngdong yoktsü lemtetba osang ka Saudi mitkar otongdar kati tanü, Hokolbar nü metetdaktsüogo.

“Tang IS anema teraradak US-i aniba alima teloktep lenirtemi tan January ita tatemlen Brussels nung amentsü ayongba senden nung telemtetba agira, ozü Saudi mitkartem Syria-i tsüngdong yoka IS telok anema raratsü renema lir,” ta Brig. Gen. Ahmed Asiri-i metetdaktsü.

US-i ayonger külen, IS anema teraradak teloktep linüktem nungi defense minister-tem senden ka Brussels nung tan February ita tatembanglen amentsü renema lir.

US-i aniba alima teloktep mitkartemi 2014 küm September ita nungi tenzüka tayimtsü amshia IS telok anema raratsü tenzükba sülen Saudi sorkaria par mitkar tayimtsütem yoka IS anema rarabaren nung yaritepba osang jangjaogo.

“Ozü Saudi linüki IS anema tongpang rara par telok meshimeshia samatsütsü alizüng yua lir,” ta Ahmed-i ashi saka par linüki mitkar züngsem kwi shi Syria-i yoktsü renem iba osangbo pai memetetdaktsü.

You must be logged in to post a comment Login