IS den adenertem nungi senso agientsü : Kazakh President

Astana, April 12 (Agencies): Kazakh nunger karidanga Islamic State (IS) kiralongrar telok nung denra, pa/la senso agientsü, ta Kazakh President Nursultan Nazarbayev-i metetdaktsüogo.
“Iba ya ajak atema compulsory tetuyuba ka lir. Nübortemi kiralongrartem den madentsü atema ajaki mapa inyaktsüla” ta Nazarbayev-i shiba osang MIR international TV channel ajanga metetdaktsü.
“Onoki IS nungi meyipa arurtem nokdangtsü atema mapa inyakdangogo saka iba nung takok mangu. Anungji, onoki parnok kidangi meyipa arutsü lenmang shibangtsür” ta paisa ashi.
Kazakhstan nungi nisung 500-600 shi ka aser taoba mapang Soviet Union ta ajaba tesem nung nisung 5,000 shi IS telok nung denogo, ta Kazakh President-isa shisem.
Kazakh ozüng nung, nisung ka nungi senso agienra pa/la Kazakhstan litsü nung alitsü temeten mali akümer.