IS den raradang nisung 47 asü: North Syria

Beirut, September 06 (Agencies): Syria anüdoklentip tsütsü Islamic State (IS) aser Marea nung aliba kiralongrar na raraba mapang tajemba agi nisung 47 süogo, ta osang ka ajanga metetdaktsü.
Honibar nü anogo piyong raraba mapang Aleppo province nungi Marea nung aliba kiralongrartem 20 den jihad atema rarar IS züngsem 27 tashi süogo, ta Britain nung aliba Syrian Observatory for Human Rights ajanga metetdaktsü.
Iba rara ya IS-i ita aika bushi aliba telok Marea nung aliba kiralongrartem jenoka aliba, Marea jila nung adoka liasü.
Observatory-i ashiba agi, iba jila nung rara manendanger aser IS-i bushiba Marea nung aliba kiralongrartemi iba jila amanglema lir.
Marea ya Turky arrtsülen lir aser Aleppo anüdoklentip tesem ya IS-i bushir Marea nung aliba kiralongrartem telok tesepti lir.
IS-i Aleppo province nung parnok züintsü asoshi iba jila ya ita aika nungi mita adar.
Taoba hopta IS-i mustard gas amshia iba tesem makar külen yimtsüng pongu tashi atsüngogo.
Aleppo anüdoklentip tsütsü IS maliba tesem ka yateta ayutsü ta Turkey aser US na den tezüngzüktep ayuba, iba amakba ajanga raksaogo.
Syria nung US-i anir anüng nungi IS amakba mapang Marea nung kiralongrar tema maka liasü, ta Pentagon sangdong ka ajanga metetdaktsüogo.
2011 March ita nungi tang tashi nung Syria nung lendong balala atalokba nung nisüng 240,000 tashi taküm laluogo.