IS lenir, Abu chiyungtsü nung miim chisemdaktsü

Baghdad, October 3 (Agencies) : Islamic State (IS) telok nung lenir ka, Abu Bakr al-Baghdadi nem pa tepsettsü merangertemi chiyungtsü nung miim inoka chisemdangtsüba sülen kanga mejungi lir, ta osangbenertemi ashi.
Be’aaj district, Nineveh nung Baghdadi aser commander asem atema sorochioktsüba chiyungtsü nung miim inokja liasü, ta Hombarnü Daily Mail osang ajanga metetdaktsü.
IS telok nungi lenir pezü chiyungtsü nung miim chisemdaktsüba sülen temang kanga mejungi akümba agi memetetba tesem kati kanga miimshia anir ao, ta Iraq news agency-i ashi.
IS teloki chiyungtsü nung miim inoktsürtem aputsü bushidar. Tang tashi nung miim chisemer commander asem tenüngbo ano mejangjai lir.
Baghdadi-i al-Qaeda nungi pakzüka aoba telok IS telok den züklokba nung tongti shilem agi aser par teloki iba mapa atema pa kanga tushir.
Al-Baghdadi senzübaji Caliph aser telung nung kar dak alaka shinga nema memetetdaktsür. Tayimtsü agi amakba nungi jenbua alitsü atema pa Iraq aser Syria nung tesem balala nung melenshia lia jajar.