IS lenir Mosul nungi jenaogo, takok anasa lir:Nofal

Erbil (Iraq), November 13 (Agencies) : Islamic State (IS) telok nung lenir Mosul nungi jenaogo. Iba tesem ya Iraq nung IS telungpur tesep tatembangbuba lir, ta Iraq kübok Nineveh province nung Angh-i ashi.
Angh Nofal Hamadi al-Sultan-i, Daesh’ (ISIS) lenir Abu Bakr al- Baghdadi Mosul nungi jenaogo anungji joko takok angutsü anasa lir, ta ashiba Efe news agency osang ajanga metetdaktsü.
al-Sultan-I ashiba agi, al-Baghdadi-i tan tesüsa sayaba osang ka nung pa Mosul toktsür aoba shia lir.
November 03, 2016 nü sayaba audio osang nungji Mosul-i par telok pur dang Mosul toktsür aotsü indang shia lir.
“Asenok jena aoer masü. Ibai akok angutsü tenzükba maparen ka asütsü,” ta al-Baghdadi-i pa den anidakertem ayongzüka liasü.
IS telok atsünginba ajanga Iraq force tem mapa züba kümdaktsür aser maneni Mosul nung tatembangbuba telungpur telok artoktsü maongka angur, ta Angh-i osangbenertem den jembiba mapang ashi.
Mosul kidanger süa aliba tesemtem nung Iraq security temi kanga takok ngua nungpoka itetogo, ta al-Sultan-i ashi. Joko memunui item telungpur koktettsü, ta pai shisem.
Iraq aser Kurdish sepaitemi Mosul süngjema akümtsü maparen October 17, 2016 nü nungi tenzüka anüdoklentip, anüolentip aser anüdoklen tesemtem asemben tashi makogo aser iba mapang Mosul anüdoklen aliba kidanger tesemtem süngjema kümdaktsüogo.