IS teloki o bendanger 1 densema, 4 tepset

Cairo, November 24 (Agencies): Peisasa pokseta asütsü mulungtetter Islamic State (IS) kiralongrartemi pei temang nung alenokba bomb pokdakja Egypt kübok North Sinai nung tentetba Swiss Inn hotel nung tanü, Mongolbar nü lendong atalokdaktsüba osang jangjaogo.

Egypt’er parliamentary election agitsü maparen ketdang asür o bendangertem sentepdak, El-Arish jila nung tanü lendong atalokdaktsüba ajanga o bendanger 1, police ketdangser 2 aser nübur 1 densema ajak agi nisung 4 tashi asüba osang jangjaogo ta Egypt Interior Ministry-i osang jangjashitsü.

Peisasa pokseta asütsü mulungteter mezüngbubai car gari nung alenokba bomb ka pokdaktsüba sülen tanabuba kiralongrarsangi pa temang nung alenokba bomb pokdakja lendong kanga sashia ataloktsü ta ministry-i ashi.

Ano, tasembuba kiralongari hotel telungi ia o bendanger-ji hotel telung nung kaseta yutsü ta mitkartemia metetdaktsü.

“Tanü lendong nung o bendanger 2, police ketdangser 8 aser nübur 3 densema, ajak agi nisung 13 tashi yiruba osang tang tashi nung jangjaogo,” ta ministry-isa osang jangjashitsü.

Tanü lendongji par teloki atalokdaktsü ta shia, Egypt nung tentetba IS teloki tanü lendong atalokdaktsüba atema online ajanga tenüng agia metetdaktsüogo.