IS züngsem kati tetsü yimjak nung tepset: SOHR

Beirut, January 08 (Agencies): Islamic State (IS) ta ajaba kiralongrar telok tetsüti züngsem kati tetsü Syria kübok Raqqa yimti yimdong nung tepsetba osang ka nübur temeten asoshi nokdaker tongti tentet, Syrian Observatory for Human Rights (SOHR)-i tanü Hokolbar nü metetdaktsüogo.
“US-i aniba alima teloktep mitkartemi IS telok meshimeshia samatsütsü,” ta shia, IS telok toktsütsü asoshi tetsüi ajungshiba yong lar jabasoi arishi küm 40 tain tetsüji yimjak nung tepset ta par teloki ashi.
Arishi küm 20 tain kiralongrasangi Raqqa post office nung inyakla, tetsüji nisung noklang aikati repranga lia post office kimalen injang agi tan Bodbar nütu kaset ta par teloki shisem.
IS teloki taoba ita 18 tsüngda nung Syria nunger nisung 2000 dak tema tepsetba osanga bushitetogo.