ISH-i shisaliok nung temelenshi atema TPC den tezüngzüktep agi

New Delhi, March 6 (Agencies): Linük nung shisaliok tsütsü temelenshi adokdaktsütsü atema hospitality college, Indian School of Hospitality (ISH)-i Nagaland nung aliba human resource agency The People Channel (TPC) den MoU ka sign asuba sangdongogo.
2005 küm tentetba TPC-i Arogo nung lanurtem, lanur entrepreneurs, school, college aser university kaketshirtem, lanur tentettem, tetsür tentettem aser yimtsüngtem nung lanur tentettem den inyaka arur.
Ano külen The People Channel-i lanur shiai pei dak tamang katettsü, nükjidong tongtettsü aser pei sempet jangjadaktsütsü atema inyaka arudar. Gurugram nung amenoka aliba ISH philosophy-i kaketshirtem tarutsü nung lenirtem akumtsü atema akumli piyong asoshi skills sayur. Indian School of Hospitality-i Ecole hoteliere de Lausanne, Switzerland nungi academic certification nguogo.
ISH aser TPC na tsüngda partnership dak sendakba nung jembidang ISH tentetsang aser CEO, Dilip Puri-i, “Iba region nungi sempettem jangjatsü atema ni yongyaa atar, koba ajanga asen kaketshirtem, asen institute aser industry ajungkettsü. Tanü lima nung hospitality yagi aika ayimjemer aser iba ya multicultural industries lir, iba denji kasa asen college nung onoki anitetba kaketshirtema kasa lir,” ta metetdaktsü.
“Akokba tashi sempettem jangjatsü atema onoki North-East nung kaketshirtem nem international jenjang nung shisaliok agutsütsü atema maongka anguba atema pelar,” ta paisa metetdaktsü.
“TPC den longjemer inyaktsü atema maongka anguba atema onok nüma atanger. 2005 küm tentetba mapang nungi TPC nungi takotet lenirtem adoker, terenlok lir aser linük nem takoktet nisungtem agutsüogo. Iba ama tentet ka den külemi inyaktsü atema onoki yongyaa atar,” ta paisa shisem.