ISI atema inyaker BSF constable police ket nung ayutsü

New Delhi, Dec. 07 (Agencies): Pakistan intelligence agency, ISI nem miim osang agütsüba atema tawa pua alir BSF head constable, Abdul Rasheed den nisung asem Dec. 10 nü tashi police ket nung ayutsü atema tanü Delhi court kati tuyuogo.
Rasheed dak alia Delhi Police, Crime Branch-i taoba mapang army, Munawwar Ahmad Mir, tesayur Mohd Sabar aser 17th Jammu & Kashmir Light Infantry division nung army Farid Ahmad nunger okadaki anir oa liasü.
Police-i Chief Metropolitan Magistrate, Sanjay Khanagwal dang, ISI nung inyakertem nem parnoki miim kakettem agütsüba aser iba dak sentakba sentong asameyang ajak jungkai adoktsü atema police ket nung yua maneni asüngdangyatsü nüngdaker, ta ashi.
Rasheed ya police ket nung anogo tenetnü abensaba sülen okadaki anir ao aser tanüngba nisung asemji tanga state nung apuba sülen anir arua liasü.
Police-i court dang, ISI yariba ken o nung Farid ya Darjeeling, West Bengal nung apu aser Munawwar o Sabar na Jammu & Kashmir nung apu, ta ashi.
Tai tonglokja alirtemi shilem agia aliba dak sentakba nung police-i, Farid adenba army unit ji tang Darjeeling nung lir aser pa Jammu nung aliba mapang pai miim osangtem nguteta J&K, Rakouri district nung alir Kafaitullah Khan (Master Raja) ajanga ISI nem sangoktsü, ta ashi.
Police-isa, tai tonglokja alir tanüngba nisung anaji Kafaitullah den tongtepratepertem liasü aser tenati e-mail ajanga osangtem agütsü, ta ashi.
Bushisüngdangba mapang ISI nem osang agütsüba maparen ya 2013 küm nungi tenzüka inyakba bushitet, ta police-isa ashi.