ISIS-i India nunga lendong agütsütsü ana nung lir:Rajnath

New Delhi, November 17 (Agencies): Paris nung kiralongrartemi taküm aika samatsüba sülen Union Home Minister Rajnath Singh-i, tarutsü mapang nung ISIS-i India nung lendong agütsütsü akok, ta Mongolbarnü ashi.
Home Minister-i, India nunga ISIS-i lendong agütsütsü akok anungji kanga mita alitsü nüngdak, ta Asia Leaders’ aser 2 buba ISDR Asia Partnership senden lapokba sentong nung o jembidang ashi.
Singh-i, “ISIS teloki amokmerenba ya alima rangben asoshi tebilemtsü lir. Linük ajak teka amteper kiralongraba mapa anema raratsüla,” ta ashi.
ISIS-i takoksa agütsütsü indang amokmerenba dak sentakba nung Home Minister-i, kiralongraba mapa anema raratsü asoshi India renema lir, ta ashi.
Singh-isa, linük nung aliba state shia nung ISIS den tesendaktep lir amai temulung melemi bilemba nisungtem dak tenük yoktsü tetuyuba agütsüogo, ta shisem.