ISIS pusemertemi Germany nung tenla ki aser school nungi auya

Berlin, October 24 (Agencies) : Syria nung parnoki inyakba mapa nung yaritsü atema Islamic State pusemer nisung tii Germany nung tenla ki aser school tem nungi sen auya.
Taoba Bodbarnü Cologne yimti nung parnok ya okadaki anir oa ken o benok aser parnoki 2011-2014 tsüngda EUR 19,000 shi alangba osettsüset auya amai bilemer.
Auertem jagi tenla kitem nungi tenla bendenba senpong, kangkitem aser tanga senti osettem auya aser school tem nungi laptops aser sen auya, ta okatsürtemi ashi.
Auer telok nung lennirji Morocco nunger ka lir aser pai IS atema nüboyimba mapa inyak ta aija ken o benokogo.
Taküm August ita The Telegraph ajanga sangdongba nung, Iraq aser Syria nung bendanger kiralongrar 20,000 shi ka lir aser parnok rongnung Europe nungi 5,000 shi dena lir.