ISL 2016: Delhi o Mumbai na asaya draw nung tembang

New Delhi, October 18 (Agencies): Delhi Dynamos aser Mumbai City FC telok nati goal 3-3 agüja, tang tasayadak Indian Super League (ISL) asayamong nung draw jenjang ngua, tanü, Mongolbar nü asayaogo.
Hungary nunger midfielder, Krisztian Vadocz-i asaya tenzüker minute 33 aser 38 buba nung goal 2 agütsüba den külemi, Sony Norde-i minute 69 buba nung par Mumbai telok asoshi tasembuba goal agütsü.
Ano, Richard Gadze-i minute 51 buba nung 1 buba goal agütsüba sülen külem asayar, Badara Badji aser Marcelinho natia minute 76 aser 82 buba nung par Delhi telok asoshi goal kaka agüja liasü.
Tanü telok kati danga takok mongutet aka, tanü asayaji tan asayamong nung goal timtiba agütsüba asaya ka liasü.
Tanü tashi nung asaya 5 tashi shilem agir telok, Mumbai asaya 2 akoker, asaya 2 nung draw jenjang angur aser asaya 1 nung tamakok ajurur telok küma, tan asayamong nung temaba jenjang nung alir, Atletico de Kolkata sülen anidaka, tanabuba jenjang abener telok kümogo.
Dynamos telokia asaya 4 nung asaya 1 akokba aser asaya 3 tashi draw nung tembangba osang jangjaogo.