ISL 2016: Pune & Kerala asaya draw nung tembang

Pune, October 17 (Agencies): FC Pune City aser Keral Blasters telok nati goal 1-1 agüja, draw ngua, Indian Super League (ISL) asayamong nung tanü, Hombar nü shilem agiogo.
Tanü asaya tenzüker minute 3 buba nung Cedric Hengbart-i goal 1 agüja, par Kerala telok temaba jenjang nung ajungkettsü saka Pune asayar, Mohamed Sissoko-i minute 68 buba nung goal-ji meyipja, par telok anaprongla kasa jenjang kümdaktsü.
Tanüngba asaya mapang nung telok anaprongi goal agüja, takok angutsü merang saka parnoki goal ka danga magütsütetba yong par asaya draw nung tembanga liasü.
Tan asayamong nung tan agi asaya 3 buba goal 1-1 draw nung atonga tembanger lir.

October 18 nü asaya
Delhi Dynamos Vs Mumbai City FC Mapang : 7:00 PM
Asayadak : Delhi