ISL: Delhi Dynamos-i goal 1-0 agi Kolkata akok

Kolkata, October 29 (Agencies): Brazil nunger striker, Gustavo dos Santos-i injury-time nung goal agütsüba yong par Delhi Dynamos teloki goal 1-0 agi defending champions, Atletico de Kolkata telok madak takok ngua tang tasayadak Indian Super League (ISL) asayamong nung tanü Brehostibar shilem agiogo.
Delhi substitute, Santos-i asaya mapang 90+3rd minute nung külem asayar, Florent Malouda-i renemtsüba cross ball agizüka tanü takokba goal-ji agütsü.
Tanü takok anguba sülen Delhi teloki ajak agi points 12 ngua league tarensen nung 2 buba jenajang ajangzükogo.
Ajisüaka, Pune aser Guwahati na asaya nung tamakok anguba densema tan agi tasembuba tashi tamakok anguba yong Kolkata teloki tanü tashi nung ajak agi points 7 dang ngua tang 6 buba jenjang nung lir.