ISL: Guimaraes Mumbai City telok coach akümer

Mumbai, April 19 (Agencies): Tesüiba Costa Rica midfielder, Alexandre Henrique Borges Guimaraes-i India nung ayongba Indian Super League (ISL) football asayamong nung shilem agir, Mumbai City FC telok head  coach inyaktsü nangzüktepogo.
Guimaraes par Costa Rica national team head coach alidang par teloki 2002 aser 2006 FIFA World Cup asayamong nung shilem agitsü jenjang ngua liasü.
“Alexandre-i ozü Mumbai telok coach asütsü asoshi nangzükba atema kanga pelar aser ozü teloki pa pelashishia agizüker,” ta Mumbai telok kibur, India nunger actor, Ranbir Kapoor-i metetetdaktsü.
“Mumbai telok ajunga den lungjemer 3 buba ISL takok marok agizüktsü alizüng ayur,” ta Guimaraes-ia tesülen metetdaktsü.
Guimaraes-i tan head coach inyaktsü tezüngzüktep agiba jakdang Guatemala nung tentetba Comunicaciones; Mexico nung tentetba Irapuato o Dorados telok; United Arab Emirates nung tentetba Al Wasl aser China nung tentetba Tiajin Teda telok nunger densemba international jenjang nung football asayaba teloktem nung coach inyaka liasü.
Par jabaso tambosang, Celso Borges-ia Costa Rica national team aser Spain nung tenteba Deportivo de La Coruna telok tenüng nung football asayaba osang bushiteta lir.