ISL: NorthEast-i Delhi tsükdaktsü

Guwahati, November 30 (Agencies): NorthEast United teloki goal 2-1 agi Delhi Dynamos telok madak takok ngua, tang tasayadak Indian Super League (ISL) football asayamong semifinal asayatsü jenjang ajangzüktsüsa tanü, Bodbar nü shilem agiogo.
Tanü asaya nung Seityasen Singh-i minute 60 buba nung 1 buba goal agütsüba sülen külem asayar, Romaric-i minute 71 buba nung 2 buba aser takokba goal agüja, par NorthEast telok nem takok ngudaktsü.
Marcelo Pereira-ia asaya tanabuba added time nung goal 1 meyipja kanga junga asaya saka par Delhi teloki tanüngba asaya mapang nung goal takok ngua magütsütetba yong par teloki tanü tamakok ajurua liasü.
Tan takok anguba sülen NorthEast teloki asaya 13 nung ajak agi points 18 ajangzükogo aser par teloki asaya 13 nung points 19 ngua alir, Kerala Blasters telok madak takok ngua asayatet nung dang tan asayamong semifinal nung shilem agitsü temeten angutsü.