ISL: Pritam Kotal Dynamos nungi ATK nung adentsü

Luchii/December 22, 2018 (Agencies): India international Pritam Kotal, Indian Super League anaben tashi koker aliba team, ATK den taruba hopta nungi shilem agitsü. Delhi Dynamos puri Kolkata nung amendaker aliba club den lakh 20 agütsüteptsü mulungtepba sülen pa AKT-i aotsü jangjaogo.
Pritam shiba tang taruba AFC Asian Cup atema Abu Dhabi nung oa lir, pa club tasenba nung January transfer window mapang adentsü koba international break sülen taruba ita tenzüktsü.
ISL season 4buba metenzük tsüngda Kotal, Delhi Dynamos nung aden. Pa iba club nungi 24 ben asayaogo aser season anapronala nung goal kaka idaktsüogo.
2017-18 season nung pai kanga junga asayaba sülen coach tasenba Josep Gombau lenisüba kübok 2018-2019 season tenzükdang pa nem captain asütsü maongka agütsü.
Pai iba season nung goal ka ya ATK den asayaba mapang idakja liasü. Indian International den asayari AKT den tenangzüktepba ka yangluogo aser 2019 AFC Asian Cup sülen pa iba club nung adentsü.
2016 küm loan nung pa Mohun Bagan nungi AKT-i arua asayaogo.