Islamic kiralongrar den tesendaktep alir ka Karimganj nung apu

Guwahati, February 24 (Agencies): Islamic kiralongrartemi Assam nung parnok mapatem kanga kara prokshia odaktsüdar.
Iba dak sendakba nung Brehostibar aonung ayaterm nung Karimganj Badarpur Mission Road nung Alamgir Hussain puogo.
Pa ket nung Bangladesh passport taila ka bener lia apu. Pa iba passport bener Singapore-i aotsü sendong liasü, ta ashi. Hussain-i pa kiralongrartem den tesendaktep aliba jangjatsüogo, ta police-i ashi. Iba dak sendakba nung bushisüngdang tenzükogo.